Цуврал VII - Орлогоо яаж нэмэгдvvлэх вэ?

Орлого бол баялаг биш. Орлогоо яаж нэмэгдүүлэх вэ?

“Бүх л өдөржингөө ажилладаг
хүнд мөнгө хийх зав гарахгүй”
Джон Д. Рокфелер.

Хүн бүр бүтээсэн үйл хэрэгтэйгээ дүйцэхүйц шан харамж хүртдэг. Гэвч олон хүн: “Надад төлж байгаагаас би илүүг авах ёстой” гэж хэлэхийг бид байнга сонсож ирсэн. Энэ бол худлаа. Хэрэв та илүү “гавьяа” байгуулсан бол гарцаагүй илүүг авах л байсан гэдэг нь харин жинхэнэ үнэн үг. Мөнгө олоход шаардлагатай бүх зүйлс таны гарт бий бөгөөд, хичнээнийг олохыг гагцхүү та л өөрөө шийднэ. Та өөрийн амьдралын зохион бүтээгчийн хувьд өөрийн орлого, цалингийн хэмжээг өөрөө л тодорхойлно. Зөвхөн та л өөрийнхөө цалинд хариуцлагатай хандаж, зөв тодорхойлж, түүнийг нэмэгдүүлж чадна.

Мөнгө болон боломжууд нь ядуу хоосон байдалд бус харин ур чадварт өврөө нээдэг. Танд зайлшгүй хэрэгтэй байлаа гээд та цалингаа нэмэгдүүлж чадахгүй, зөвхөн тийм гавьяа байгуулж байж л нэмэгдүүлнэ. Тиймээс хэрэв та цалингаа нэмэгдүүлэхийг хүсвэл цалин нэмэх ярилцлагын өмнө “Та компанид ямар ашиг тустай зүйл хийсэн болон цаашид ямар зүйлийг хийж чадах” тухайгаа мөн өөрийн давуу талуудыг жагсаан бичиж тэмдэглэн урьдаас бэлтгэсэн байвал сайн. Гагцхүү хүч чадал л үнэлэгддэг гэдгийг сайтар ухаарч ав.

Обама дэлхийн найдвар

Америкчууд Обамаг сонгосны дараа дэлхийн биржүүдийн индекс огцом өсч, дэлхийн зах зээл өндийж эхэллээ. Ерөнхийлөгчийн сонгуулийн дүн тодорхой болсны дараа Америкийн хөрөнгийн зах зээл огцом өссөн бөгөөд үүнийг даган Азийн зах зээлийн индексүүд ч хаданд гарлаа. Азийн хамгийн том зах зээл болох Японы “Nikkei”-н индекс 4.5 хувиар дээшилж 9.521-д хүрчээ. Түүнчлэн Өмнөд Солонгосын “Kospi”-гийн индекс 3.2 хувиар өсч 1.190-д хүрсэн бөгөөд Сингапур, Австрали, Шанхай, Шинэ Зеландын биржийн индексүүд ч их хэмжээгээр өссөн. Америкийн “Wallstreet”-ийн биржийн өсөлтөөс шалтгаалан хөрөнгө оруулагчдын итгэл ч бага зэрэг сэргэх хандлагатай байна. Дэлхий нийтийн хөрөнгө оруулагчид АНУ-ын ерөнхийлөгчийн сонгуульд ихээхэн ач холбогдол өгч байгаа бөгөөд Барак Обамагийн ялалт хөрөнгө оруулагчдад томоохон боломжийг олгох аж. Учир нь Барак Обама бол Америкийн эдийн засгийг сэргээх оновчтой бодлогыг боловсруулж чадах хүн гэж хөрөнгө оруулагчид үзэж байна. Хонконгийн эдийн засгийн мэргэжилтэн Алекс Танг “Энэ жилийн эцэс гэхэд хөрөнгө оруулагчдын итгэлцэл онцгой сайжирна. Хөрөнгө оруулагчид Обамаг онцгой чадвартай хүн гэж үзэн ихээхэн найдлага тавьж байна” гэжээ. Нью-Йоркийн “Dow Jones”-ийн индекс 3.28 хувь буюу 305.45 функтаар өсч 9.625-д хүрсэн. Харин “Standard & Poor’s 500″-гийн индекс 4.08 хувь буюу 39.45 функтаар өсч 1.005-д хүрсэн нь сүүлийн үед байгаагүй өндөр үзүүлэлт боллоо. Европын зарим биржийн индексийн өсөлтийг танилцуулбал Их Британийн “FTSE 100″-ийнх 4.4 хувиар өсч 4.639-д, Германы “DAX”-ийнх таван хувиар өсч 5.278-д, Францын “САС-40″-ийн индекс 4.6 хувиар нэмэгдэж 3.691-д тус тус хүрлээ. Ингээд та бүхэнд дэлхий нийтийн хэрэглээний гол бүтээгдэхүүн болох Нефтийн үнийн талаарх мэдээллийг хүргэе. Дэлхийн зах зээл дэх нефтийн үнэ 70 ам.доллар байсан бол лхагва гаригт 0.81 центээр доошилж 69.72 ам.доллар болжээ. Цаашид дэлхийн зах зээл өссөөр байх бололтой.

Цуврал VI - Єр

Тэнэг ба ухаалаг зээлүүд

“Урт хугацааны асуудалд
богино хугацааны шийдлийг
хэзээ ч бүү зөвшөөрч бай”
Даниэл.С.Реи.

Өртэй байна гэдэг өнөө үед олон хүмүүсийн хувьд нийтлэг зүйл болжээ. Яагаад болохгүй гэж? Бүх л амьдралынхаа турш нарийлж байхыг хэн хүсэх вэ дээ. Германд гэр бүлүүдийн дөрөвний гурав нь ямар нэг хэмжээгээр зээл тавьсан байдаг. Зээл бүхэн өр биш гэдэг нь ойлгомжтой. Газар, байшин зэрэг үл хөдлөх хөрөнгө худалдаж авах үед гардаг зээлийн хэлбэр нь зээлээ төлөх өөрийн гэсэн зарчимтай бөгөөд өөрийн гэсэн үнэлгээний аргачлалтай байдаг. Миний хувьд хэрэглээний зээл авах нь маш аюултай гэж үздэг. Автомашин, тавилга, амралт, зурагт, хөгжим, угаалгын машин бүгд хэрэглээний зээлийн сонгодог шалтгаан. Ихэнх залуу хүмүүс байшинтай болсон өдрөө л түүнийг иж бүрэн тохижуулах ёстой гэж боддог нь буруу. “Бидний хүсч байгаа бүхэн бидэнд шаардлагатай гэсэн үг биш”

Бидэнд өөрийн хүч энергээ зарцуулах хоёр боломтой чиглэл бий. Бид үүнийг урт хугацааны үйл хэрэгтээ зарцуулна эсвэл богино хугацааны тулга тойрсон, хуурмаг үйлдэлдээ зориулна. Богино хугацааны шийдэл нь үнэн чанартаа биднийг урт хугацааны зорилгоос холдуулж байдаг. Бидний зорилго бол чинээлэг аж байдал байх ёстой. Бид өөрсдийн тэмүүллийн томоохон хэсгийг ирээдүйн нөхцөл байдал сайжирна гэсэн итгэлээс олж авдаг. Ийм сайжралд бид зөвхөн урт хугацааны стратеги боловсруулж, өөрийгөө мэргэшүүлж байж хүрэх ёстой. Хувийн өр дарамталж байхад ийм стратеги боловсруулах цаг болон урам зориг илт дутдаг ба үүний оронд таны өрөө төлөх цаг тулсан учраас ямар ч хэрэггүй шахам зүйлийг байнга хийхээс өөр аргагүй болдог.

Цуврал V - Мєнгєний талаарх таны таны vнэн бодол юу вэ?

“Хүний одоогийн байдал нь түүний
итгэл үнэмшлийн тусгал юм”
Энтони Робенс.

Хэрэв танаас “Их мөнгөтэй байвал сайхан уу” гэж асуувал та “Тэнэг юм асуух юм, их мөнгөтэй болохыг хүсэхгүй хэн байх билээ” гэж хариулах биз. Тиймээ таны зөв. Гэхдээ таны далд ухамсар юу хүсч байгааг та мэдэх үү? Хэрэв таны далд ухамсар их мөнгөний талаарх ямар нэгэн сөрөг мэдээлэл хадгалдаг бол та их мөнгийг бий болгож чадахгүй. Таны хүсч байгаа болон таны итгэж байгаа зүйлсийн хооронд асар том ялгаа байдаг.

Биедээ их хэмжээний мөнгө авч явах нь таны далд ухамсарт байх мөнгөтэй холбоотой, хулгайд алдах, үрэх зэрэг айдсуудыг устгах бөгөөд хамгийн гол нь их мөнгөтэй байхад өөрийгөө дасгаж, их мөнгө, түүнээс ч их мөнгө олоход таны сэтгэл зүйг бэлдэж тусалдаг. Дараах өгүүлбэрүүдээс өөрт тохирохыг тэмдэглэснээр та өөрийн мөнгөний талаарх үнэн бодлыг мэдэж болох юм.

Цуврал IV - Хvмvvс яагаад чинээлэг болдоггvй вэ?

“Алдахгүйн тулд тоглох,

хожихын тулд тоглох
хоёрын хооронд том ялгаа бий”
Даниел С.Рен.

Өмнө нь дурьдсанчлан чинээлэг болох ийм хялбархан байхад яагаад ихэнх хүмүүс ядуу хэвээрээ байдаг вэ гэсэн асуулт гарч ирж байна. Учир нь ядуу байх чинээлэг байхаас илүү амархан болоол тэр. Сар бүр орлогынхоо багахан хувийг хадгалах амархан шиг хадгалахгүй үрэх бүр амархан, хадгалсан мөнгөө ашигтай зүйлд хөрөнгө оруулах амархан бол түүнийг зүгээр үрэх илүү хялбар.

Мөнгөгүй хүмүүс хоорондоо өмч хөрөнгөтэй болохоос байнга хойш сууж байдгаараа төстэй байдаг. Тэдний гаргадаг алдаанууд болон түүнийг шийдвэрлэх аргуудын талаар дурьдвал:

Цуврал III - Сая доллар гайхамшиг гэж vv?

Ихэнх хүмүүс нэг жилд хийж чадах зүйлээ хэт үнэлдэг атлаа 10 жилд хийж чадах зүйлээ ямагт дутуу үнэлдэг

Жиим Роон.

Эрмэлзлийн хүч

Та одооныхоо орлогыг 2 эсвэл 3 дахин өсгөх нь боломжтой гэж бодож байгаа байх. Харин 6, 7 эсвэл 20 дахин өсгөж чадна гэвэл энэ нь жинхэнэ гайхамшиг мэт сонсогдож магадгүй. Гайхамшгийг бүтээхийн тулд эрсдэл хүлээхэд бэлэн бай! Өөрийн үнэлэмж багатай хүмүүс ямар ч эрсдэлгүй байхад ч өөрсдийгөө хамгаалсаар байдаг.

Хэрэв та ямар нэгэн алхам хийхийн өмнө ямарч айдас төрөхгүй байгаа бол энэ нь таны хийхээр төлөвлөж байгаа алхам танд нэг размераар багадаж байгааг илтгэнэ. Та нэг бол боломжууд дотроос эрсдэлийг олж харж чадна, эсвэл эрсдэл дотроос боломжийг харч бас чадна. Амьдралдаа аливаа нэг зүйлийг өөрчлөхийг хүсвэл бид өөрсдийгөө өөрчлөх хэрэгтэй болдог. Үүний тулд бид ямар нэгэн байдлаар дассан орчноосоо салах болдог тул өөрчлөлт бүхэн эрсдэлийг дагуулна. Аливаа өөрчлөлт явагдах ерөнхий таван түвшинтэй байдаг.

Цуврал II - Хариуцлага

“Хэнд та бурууг тохно

Түүнд эрх мэдлээ алдана”
Доктор Вэйн Дер.

Байнгын хариуцлагаа ухаараагүй байхад бид хөрөнгөтэй болох боломжгүй юм. Хариуцлагыг бид дараах маягаар тодорхойлж болох юм: Таньд тохиолдсон үйл явдал бүрт (бусдын буруутай үйлдэл, гэнэтийн явдал мөн хамаарна) та хариуцлага хүлээх бус зөвхөн тэр тохиолдолыг хэрхэн хүлээн авч түүнд ямар хариу үйлдэл хийснийхээ төлөө л хариуцлага хүлээх учиртай. Өнгөрсөнд гаргасан шийдвэрүүд тань өнөөдрийн таны байгаа байдлын шалтгаан юм. Таны зөв хариу үйлдэл хийж чадаж байгаа эсэх нь таны ирээдүйн амжилтыг тодорхойлох учраас бид үүнийг сайн тооцоолох хэрэгтэй.

Бид өөрсдийн хариуцлагыг хүлээн авсан цагт л аливаа сөрөг сэтгэлийн хөдөлгөөн, муу чанарууд маань хүчээ алддаг. Таныг шууд хянаж эсвэл нөлөөлж болох тийм зүйлүүд гэж байдаг. Тэднийг хяналтын хүрээ гэж нэрлэе. Хариуцлагыг хүлээн авснаар өөрийн амьдралын хяналтын хүрээг тэлж чадна. Бидэнд хяналтын хүрээгээ тэлэх дөрвөн боломж байдаг.

Цуврал I - Чиний туйлын хvсэл юу вэ?

Чи их удаан эрлээ

Одоо эрлээ орхиод олж сур.
Хайнз Көрнер, Ёохаанес

Хүн бүрт чинээлэг, жаргалтай, эрх чөлөөтэй амьдрах чин эрмэлзлэлүүд байдаг. Гэвч бидний энэхүү дотроо төсөөлж байдаг амьдрал бодит байдал хоёр өдөр шөнө шиг зөрүүтэй байх нь олонтаа.

“Хэн бүхэл өдөржингөө ажиллана түүнд мөнгө хийх цаг олдохгүй” энэ бичиг олон жилийн өмнө миний танилцсан Нью-Йоркын нэгэн чинээлэг эрийн ширээн дээр байсан юм. Үүнээс үзэхэд хүн өөртөө бодох цаг зав гаргах зайлшгүй хэрэгтэй бололтой.

Мөнгө гэж бидний түүнд өгч буй үнэлэмжийн хэмжээгээр үнэ цэнэтэй байх бөгөөд, санхүүгийн асуудалд орсон тэр л үед дэндүү их утга учиртай болдог. Бидний үзэл бодол, зорилго хоёр нь хоорондоо тохирохгүй бол бид байрнаасаа хөдөлж чадахгүй.

Өөдрөг үзэл юмсын давуу, сайн талыг харуулдаг бол өөртөө итгэх итгэл нь юмсын сүүдэртэй талыг ч даван туулах үнэмшлийг өгдөг. Өөртөө итгэлтэй хүн юунд ч баригдаж сааталгүй, ямар ч эсэргүүцлийг дийлж гарахаа мэддэг, мөн түүнийгээ ч өөртөө олон удаа нотлон харуулсан байдаг.

Одоогийн хүрсэн амжилт болон одоо байгаа байдал тань таны сэтгэн бодох хэв маягийн шууд үр дүн бөгөөд түүнийгээ өөрчлөхгүй бол одоогийн байгаа байдлаасаа хэзээ ч салж чадахгүй. Энэ байдлаас гарах арга бол та өөрийн хамгийн дуртай хоббиг сонгон авч түүгээрээ мэргэш. Хоббигоороо мөнгө олдог бол!

Санхүүгийн салбар дахь бэрхшээл нь амьдралын бусад бүх салбаруудад сүүдрээ тусгадаг. Та өөрийгөө бүх л амьдралынхаа турш мөнгөний машин болгох уу, эсвэл өөрийн мөнгөний машинтай болох уу гэдгээ шийд.

Аль үзэл бодолдоо хөтлөгдөх эсэх талаар ухамсартай шийдвэр гаргасан тэр үед л өөрийнхөө амьдралыг хяналтандаа авч чадна. Та амьдралдаа юу ч хийлээ гэсэн үр дүн нь юуны түрүүнд таны мөрөөдөл, зорилго, үзэл бодол, төлөвлөгөө дөрвөөс л хамаарах ба энэ дөрвийн зохицлыг бүрдүүлээгүй байхад ямар ч хатуу зарчмуудыг баримтлаад тус болохгүй, мөнгөний төлөө дур сонирхолгүй ажлыг хийх нь хэзээ ч санхүүгийн эрх чөлөөнд хүргэхгүй юм.

Санхvvгийн эрх чєлєєнд хvрэх зам

Германы саятан, бизнесмэн Бодо Шеферийн амьдрал олон талаараа гайхал төрүүлдгийн нэг нь 30 настайдаа саятан болж санхүүгийн эрх чөлөөнд хүрсэн явдал юм. Тэрээр үүнийг ямар нэгэн гайхамшиг эсвэл азаар хийгээгүй бөгөөд хэн ч, хаана ч давтан дуурайж болохоор тийм л аргаар бүтээсэн.

Түүний бичсэн ном, бичлэгүүд болон телевизийн ярилцлага, лекцүүд нь түүнд “Европын мөнгөний багш” гэсэн эрхэм алдарыг хайралсан ба хамгийн их шуугиан тарьж уншигчдын таашаалд хүрсэн нь “Санхүүгийн эрх чөлөөнд хүрэх зам” гэсэн ном юм. 1998 онд худалдаанд гарсан даруйдаа буюу жил хүрэхгүй хугацаанд сая илүү хувь борлогдож хамгийн гүйлгээтэй номоор шалгарсан байдаг. Түүний энэ номны чухал хэсгүүдийг агуулсан 15 цуврал хичээлийг орууллаа. Энэ цувралын агууллагад санхүүгийн ухаан, дэлхийн мөнгөний урсгал, дэлхийн томоохон хөрөнгө оруулалтын сангуудын тухай, САЯ ДОЛЛАР ХИЙХ арга замууд зэрэг сэдвүүд багтана.

Нэгдүгээр бүлэг: Та мөнгийг сонгож байна уу? буюу суурь мэдлэг

1. Таны туйлын хүсэл юу вэ?
2. Хариуцлага
3. Сая гайхамшиг гэж үү?
4. Хүмүүс яагаад чинээлэг болдоггүй вэ?
5. Мөнгөний талаарх таны үнэн бодол юу вэ?

Хоёрдугаар бүлэг: Эхний саяд хүрэх практик удирдамж

6. Өр
7. Орлогоо яаж нэмэгдүүлэх вэ?
8. Хэмнэлт буюу өөртөө хөрөнгө оруулалт хийх
9. Хүүгийн хүүгийн гайхамшиг
10.Хувьцаа - Мөнгө үржүүлэх зам
11.Бусдаар мөнгөө өсгүүл - Хөрөнгө оруулалтын сан
12.Санхүүгийн эрх чөлөө
13.Сургагчид ба мэргэжилтнүүдийн сүлжээ
14.Та мөнгө тариалж чадна
15.Одоо тэгээд яах вэ?

Жилийн дотор Сая доллартой болж чадах уу?

Итгэмээргүй сонсогдож байна уу? 10 000 ам.доллар, 100 000 ам.доллар, 500 000 ам.доллар ч биш 1 000 000 ам.долларын тухай ярьж байна. Би үүнийг боломжтой гэж хэлнэ. Гагцхүү чи мөнгө олох чинхүү зорилготой мөн стратегтай байх ёстой. Стратеги бол чиний хувьд мөнгө хийх арга хэрэгсэл болно. Стратеги чинь мөнгийг тогтмол үржүүлдэг л байх хэрэгтэй.

Та нар хүн төрөлхтний агуу их нээлтүүдийн нэг процентын нийлмэл буюу геометр прогрессын хуулийг дуулсан байлгүй. Энэ нээлтийн гол санаа нь бол орлогын хувь нь яг энэ хувиар нэмэгдэн мөн тийм хэмжээгээр нийлбэрийг өсгөснөөр геометрийн прогресс болдог. Альберт Эйнштейн энэ процентын нийлмэлийг "хүн төрөлхтний агуу бүтээл" мөн гэжээ. Хөрөнгө оруулалт хийж болох амьдралын олон жишээнээс дурдахад:

Чи сар бүр 100$ цааш нь хийж 3 янзаар хадгалуулжээ гэж бодъё.

1. Сейф: 20 жилийн дараа сейфээ онгойлгоод үзэхэд Танд 24 000$. (20 жил -240 сар, сар бүр 100$)

2. Банканд: Жилийн 12% хүүтэй 20 жил хадгалуулаад банкнаас 144 000$ авах буюу цааш нь үргэлжлүүлэн хадгалуулахад сар бүр хүүгийн хувь нь 1440$ авна.

3. Мэргэжлийн байгууллага: (Санхүүгийн зах зээл, хөрөнгө оруулалтын сан, хувьцаа) Жилд 30-50% хүүтэй хадгалуулахад 20 жилийн дараа 1 500 000$ авах буюу цааш нь үргэлжлүүлэн хадгалуулж зөвхөн хүүг нь сар бүр аваад амьдрахад 38 800$ болно. (Мөнгө өсгөх хамгийн шилдэг арга нь санхүүгийн хэрэгслүүд юм. Тийм ч учраас блогт энэ тухай түлхүү бичигдэнэ)

20 жил дэндүү урт хугацаа байгаа биз? Хамгийн харамсалтай нь бидний залуу нас хамт урсан өнгөрнө. Тэгвэл одоо орлогоо жилд 30-50% өсгөх бус сард 100% өсгөж, жилийн дотор 1 сая доллартой болгох стратеги-т суралцаж, зорилгоо биелүүлэхийн төлөө нойр хоолгүй ажиллаж яагаад болохгүй гэж? 1 төгрөгийг 2 төгрөг болгох хэцүү юу? Чи юу гэж хариулах бол? Жишээ авч үзье. Чамд 300 ам.доллар л байя гэж бодъё.

1-p сар 300$
2-p сар 600$
3-p сар 1 200$
4-p сар 2 400$
5-p сар 4 800$
6-p сар 9 600$
7-p сар 19 200$
8-p сар 38 400$
9-p сар 76 800$
10-p сар 153 600$
11-p сар 307 200$
12-p сар 614 400$
13-p сард 1 228 500 $

Амархан байгаа биз? Гэвч энэ бол асар их хэцүү, гэхдээ боломжтой. Энэ хэмжээгээр чамаас асар их эрсдэл, мэдлэг туршлага, сайн стратеги олж авахыг шаардана. Дэлхийн иргэн байхад сая доллар тийм их хэмжээний мөнгө биш ч ахуйн асуудлаа шийдэхэд хангалттай хэмжээний мөнгө юм. Ингээд та бүхэнд Бодо Шефферын "Санхүүгийн эрх чөлөөнд хүрэх зам" Бэст селлэрийг хүргэж байна. Хэрэв чи стратегаа зөв олоод, зарчмуудыг хэрэгжүүлж чадвал хүслээрээ амьдрах агуу боломжийг энэ ном чамд өгөх болно.

PS: Би ч гэсэн өөрийн 1 саяыг энэ сараас эхлүүлж байна. Сар бүр хэрэгжилтийг нь гаргаж явна аа гээл үү. Кэкэ. Өөртөө асар тодорхой Deadline тавьсан. Гэхдээ л 1 саятай болчихоод энэхүү бичлэгээ уншаад сууж байвал мөн сайхан аа. Дээд кайф гэж байдаг бол тэр үе л байх...

Chance

Өнгөрсөн 10 дугаар сар Дэлхий даяар үнэхээр аймшигтай сар болсныг хэн бүхэн мэдэж байгаа болов уу. Зах зээлийн тогтворгүй байдлаас хамааран урт хугацааны арилжаа хийх ямар ч боломжгүй болоод байна. Дэлхийн эдийн засгийн энэхүү хямрал манай банк санхүүгийн системд ч сөргөөр нөлөөлж арилжааны банкнууд толгой дараалан зээлээ зогсоож, хадгаламж татахаар өрсөлдөж эхэллээ. Ганц нааштай мэдээ гэвэл өмнө нь хэлж байсанчлан энэ 11 сард шатахууны үнэ дотоодын зах зээлд 200-250 төгрөгөөр буурахаар боллоо. Браво

Дэлхийн улс орнууд санхүүгийн салбараа аврахын тулд өнөөдрийн байдлаар нийт 7 триллион ам.долларыг гаргачхаад байна. Миний таамаглаж байгаагаар манай ЗГ-аас ч мөн адил банкны секторын тогтвортой байдлыг хангах үүднээс төсвөөс хэдэн тэрбумаар нь гаргахаас өөр сонголтгүй байдалд орж болохоор байна. Арай ч хэдэн банкаа дампууруулчихгүй байлгүй дээ. Гэхдээ дэлхийн эдийн засгийн хямрал цааш удаан үргэлжилбэл үнэхээр эвгүйтэж магадгүй юм. Хадгаламжиндаа овоо хэдэн төгрөгтэй хүн байвал харилцагч банкнаасаа эртхэн шиг мөнгөө татаж өөр эрсдэлгүй хөрөнгө оруулалтад байршуулахыг зөвлөх нь илүүц мэт. Хөөрхий Баярцогт азгүй юм аа... ийм хэцүү үед Сангийн сайдаар томилогдох ч гэж дээ. Шаварт унасан шарын эзэн гэдэг шиг зүтгээд байж дээ.

Нөгөө талаас аливаа зүйл үргэлж 2 талтай байдаг. Хөрөнгийн биржийн индексүүд шаландаа хүртэл уначхаад байгаа энэ үед найдвартай, харьцангуй эрсдэл багатай хувьцаанд хөрөнгө оруулалт хийж урт хугацаандаа ашиг олох ховорхон боломж нээлттэй байна.

PS: Өнгөрсөн хоногуудад Анод банкны нэгж хувьцаа 470 төгрөгөөр хаалтаа хийх боллоо. Сүүлийн хэдхэн сарын дотор 1800-аас 470 төгрөг болтлоо гамгүй гэхэд арай л гамгүй уналаа. Бүүр нэрлэсэн үнээсээ доошоо орлоо. Миний бодлоор унаж болох доод хэмжээндээ үндсэндээ туллаа. /Мэдээж дампуурчихгүй бол шүү дээ/ За үсрээд 300 төгрөгөөс доошоо орохгүй болов уу гэж таамаглаж байна. За тэгээд мөнгөтэй хүн байвал энэ боломжийг бүү алдаарай! Энэ бол алтан мэссэж шүү гэсэн. Goodluck.