Ардын жүжигчин Д.Түмэндэмбэрэл гуайн дуунуудыг Ардын дууч Д.Бурмаа дуулж "Та мөнх" хэмээх нэгэн сайхан цомог гаргажээ. Д.Түмэндэмбэрэл гуайн дуулсан зарим дуунуудыг хайгаад олохгүй байсан чинь бүүр мэдсэн юм шиг шинэ цомог нь гараад ирэх юм даа.
Гого дуунууд share хийж хүүхэд насны минь олон сайхан дурсамжийг сэдрээж өгсөн Мөөний-дөө баярлалаа. Хэхэ.
Өвөө минь тухайн үед аймгийн Нэгдлийн дарга хүн байлаа. Би гэдэг хүн чинь өвөөгөө дагаад УАЗ 69-д чихэж аваад л адуу, малтай айлуудаар хэдэн өдрөөр явна даа. Багын найз Баасаагийн аав нь Нэгдэлд нярав хийнэ. Бид хамтдаа хөдөө явдаг байсныг ерөөсөө санахгүй байгаа хүн дээ. Мартамхай золиг. За ингээд
"Та мөнх" цомог
(Сонсох эсвэл татахыг хүсвэл шууд дарна)
1.Туулын урсгал
2.Усны тунгалаг Тамирын гол
3.Дуу минь
4.Хөөрхөн хүүхэн болж уу би
5.Буурал аавын нутаг
6.Эвий хорвоо
7.Өршөөлт эмч
Ээж аав биеийг төрүүлсэн
Эрхэт нам ухаан заяасан гэж ирээд л үү...☺
1 comment:
Надад болохоор залуу дуучдын сүүлд дууриаж дуулсан хувилбарууд огт таалагддаггүй юм. Зарим талаараа сайхан дуунуудыг муухай болгочихсон юмшиг санагддаг. Гэхдээ тэдний ур чадвараар муу гэж байгаа юм биш л дээ, ерөөсөө хуучны алтан үеийн дуучид бидний чих байтугай сэтгэлд хоногштол дуулдаг байсных болов уу гэж боддог юм. Тиймдээ ч өөр дуучны дуулснаар, өөр хувилбараар хүлээж авахаа больчихсон байж ч магадгүй.
Миний шүтээн С.Цэрэндолгор гэж дуучин байлаа, одоо ч амьд сэрүүн байгаа байх л даа. Гэхдээ дуунуудийг нь эртнээс хайгаад "малчин бүсгүй", "тус биш ус киноны дуу" 2-оос өөрийг олж чадаагүй л явна. Энд тэнд харагдвал хэлээрэй!
Гэснээс монголын радиогийнхон алтан фондоороо CD, DVD-үүд гаргавал хуучны бидэнд ч, дуучдын үр хүүхдүүдэд ч тун тустай хэрэг болох гээд байгаа юм. Энэ талаар сураг ажиг, сонсдох дуулдах юм байна уу?
Post a Comment