Монгол аялгууны гайхамшиг

Шинэ хөгжмийн эрэл хайгуул үргэлжилсээр... (Хахаха, дүрдээ итгэчихсэн дуучин шиг сонсогддог байна шт) Нэг хэсэг учиргүй электро хөгжим сонслоо. Харин өчигдөр "Цахилж яваа гөрөөс кино"-ны дууг Г.Эрдэнэтунгалаг cover хийснийг олж сонсов. Тэнгэр минь, Би өчигдөрийг хүртэл дүлий явж ээ! 😊 Ойрд ийм монгол аялгуутай дуу сонсоогүйг хэлэх үү, үнэхээр тансаг байлаа.

Дууны үгийг Монгол Улсын соёлын гавъяат зүтгэлтэн, яруу найрагч З.Түмэнжаргал зохиож, аяыг нь Монгол Улсын төрийн шагналт, хөгжмийн зохиолч Х.Билэгжаргал бичжээ. Г.Эрдэнэтунгалаг ч тултал нь дуулсан байна лээ. Яаж ингэж өнгө алдалгүй дуулж чаддаг байнаа, хэд хэдэн удаа сонсов, шүтэв. Хувьдаа би хөгжмийн зохиолч Х.Билэгжаргалийг Жанцанноров гуай шиг дэндүү тансаг монгол аялгуутай хөгжим зохиодог хүн гэж боддог. (юун Балхаа гсн...) "Аргалд явсан Ижий" хэмээх ад мөрийн зөн мэдрэмжтэй мундаг дууны аялгуу мөн энэ л хүнийх.

Дууны үг, аялгууны хувьд асар гунигтай, нэг л ер бусын юм. Үг нь гүнзгий, утга санаа нь голруу гогдсон. (Хатууд халирсан итгэл минь хөөрхий, Хайр даагаагүй чи минь хөөрхий, Хажууд минь бүлтгэнэсэн үр минь хөөрхий, Үйлээ даагаагүй заяа минь хөөрхий...) гэх мэт цаашилбал бүүр л далийх шинжтэй, Гоё шүү! Монгол мэдрэмж, Монгол үг гэдэг нь л энэ байх. Зээрийн сүрэг шиг хулжин одох, Уулсынхаа л дунд уйлж явах үйл заяаны учиг төөргийг биднээс өөр хэн ч ингэж тултал нь мэдэрч үл чадмой...

Дуулж л явахаас даа

Нуугаад нуугаад уйлсан юм сан даа
Нулимсан дунд минь уулс дайвалзана аа
Үйлээ даагаагүй заяа минь хөөрхий
Өнчрөөд хоцорсон зүрх минь хөөрхий

Зээрийн сүрэг шиг хулжихыг чинь мэдсэнгүй
Зэрэглээт талдаа дуулж л явахаас даа

Аяархан аяархан мэгшсэн юмсан даа
Аниад харахад минь газар шаргалтана аа
Хайр даагаагүй чи минь хөөрхий
Хайхрамжгүй явсан сэтгэл минь хөөрхий

Усны шувуу шиг буцахыг чинь мэдсэнгүй
Уулсынхаа дундаа уйлж л явахаас даа

Дэндүү дэндүүхэн дассан юмсан даа
Дэнслээд шаналахад минь салхи нь аргадна аа
Хатууд халирсан итгэл минь хөөрхий
Хажууд минь бүлтгэнэсэн үр минь хөөрхий

Усны шувуу шиг буцахыг чинь мэдсэнгүй
Уулсынхаа дундаа уйлж л явахаас даа
Зээрийн сүрэг шиг хулжихыг чинь мэдсэнгүй
Зэрэглээт талдаа дуулж л явахаас даа

PS: Манайханд нэг муу зүйл ажиглагддаг нь зарим мундаг дуунуудын клипыг сулхан хийчихсэн байдаг. Энэ дууны хувьд клип нь бас л сайн болж чадсангүй. Үнэхээр л сайн хийж чадахгүй бол том уран бүтээл барьж авахаасаа зарим нэгэн нь жаахан ч гэсэн эмээдэг баймаар юм, Манайхан бодоорой гэсэн. 😊 Гоё дуу pass хийсэн Spamchin-d thx.

My love fatherland...

Хамгийн сүүлд сарын өмнө блогоо шинэчлэжээ. Нэг л мэдэхэд асар их хугацаа өнгөрчих юм аа. Блогт санаа тавьсан хүмүүст баярлалаа. Мөн удаан хугацаагаар алга болсонд сорри гайз. Сүүлийн үед оффлайн амьдрал давамгайлаад, Blog гэхээсээ илүү Block царайлаад сууж байна даа гэсэн...😊 

Гэхдээ everything is well, ядаж байхад намар болоод ч гэх шиг... Мань мэт шиг moody нөхдүүд сав л хийвэл янзан бүр болчихдог нь хэцүү юм даа. Хажуугаар нь нэгэн “мэргээн санаа” төрөөд бараг жил болох нь... Энэ маань ажил хэрэг болох арай л болоогүй байна. Гэхдээ ямар ч байсан удахгүй байх аа, өөртөө асар тодорхой бус deadline өгдөг үү 😊 

Бусад сонин хачин гэвэл өвөлтэй уралдаж урд ганц хоёр ажил амжуулах гэж очсон биш ”Тансан лам баруун этгээдэд зорьчсон” дайтай л адал явдалтав. Хятад гэж очих тоолонд л өнгө зүс нэмээд байдаг сонин газар шүү. Нэлээд хэдэн жил очоогүйг хэлэх үү, соёлын шоконд ороод хачин байлаа гэсэн. Бээжинд орон сууцны үнэ өртөг сүүлийн гурав-дөрвөн жилийн дотор хэд дахин өсөж, housing boom болж байгаа юм байх. Байршил сайтай, хотын төвийн лаг лаг шинэ цогцолборуудын нэг м.кв-ын үнэ 20000-30000 юань байдаг гэнэ. Энэ нь манайхаас бараг 10 дахин үнэтэй гэсэн үг. Хаа байсан Япон, Солонгостой харьцуулахад бага байх л даа, гэхдээ л асар үнэтэй наасан. Шинэ баячууд, экспатуудад зориулсан янзан бүрийн хоолны газар, бар сав ч яасан олон болсон юм бэ дээ, гарууд ид тансаглаж байгаа шинжтэй. Нэгэн танил маань заавал орж үзээрэй гэж ирээд л The LAND нэртэй lounge-ыг санал болгохоор нь орж үзэв, шүтэв. 

Өнөөх алдарт Jang Wan зургийг нь гаргасан юм байх аа, extravagance гэж энэ л байх. Урьд нь энд ирээд дандаа учраа мэдэхгүй явж байгаад л буцдаг байсан болохоор энэ удаад нэлээд нухацтай үзэх санаатай Guidebook энэ тэр аваад, гудамжийг жинхэнэ метрлэх шиг болов. Хэдэн жилийн өмнө хальтхан сонсож байсан ”ni hao”-ныхаа ид шидийг гаргах санаатай, хүний хэлсэн ганц хоёр үгийг ойлгохоороо асар их баярлаж, ойлгохгүй болохоороо “муусайн юмнууд монголоор ярьж чаддаггүй юм байхдаа” ухааны юм бодож энэ тэр... зугаатай л явлаа. Хятадууд аль хэдийн Олимп хүртэлх хугацааг countdown хийгээд эхлэчихсэн, бултаараа бэлдэцгээж, зурагтаар өдөр болгон “Олимп хүртэл тэдэн хоног үлдлээ, хөдөлмөрчдөө” гэсэн зарлал яваад л... Ямар ч байсан хэдэн жилийн өмнөхтэй харьцуулахад маш олон шинэ зам тавигдсан байх шиг санагдсан. Гэхдээ л traffic арай дэндүү болсон байна лээ. Хүмүүсийн амьжиргаа сайжирсаны илрэл байх л даа, гарууд баруун солгойгүй цоо шинэ BMW, Wolkswagen, Audi унаад л...

Арт сонирхдог хүмүүс байвал, Dashanzi дүүргийн галерейнуудаар дэмий тэнэж болох юм байна лээ шүү. Хуучин үйлдвэр байсан хэсэг газрыг хашаад, үйлдвэрийн байрнуудад нь галерей, урлан хийчихсэн юм байна лээ. Байшингууд нь асар гоё өндөр таазтай наасан... тасархай харагдаж байгаа юм чинь. Энэ утгаараа манай 1-р цахилгаан станцийн барилгыг л тасархай музей болгох хэрэгтэй байгаа юм даа гэсэн...😊

Хятад угаасаа л commercial улс... Улс нь тэр чигээрээ нэг том дэлгүүр эсвэл хоолны газар аятай. Хүмүүс нь ч гэсэн зөвхөн материаллаг эд зүйлс ярьдаг... ааш зан, харьцаа асар сайтай хүмүүс, гэхдээ тэдний ярианы гол сэдэв мөнгө төгрөг, цалин хөлс, эд бараа наасан. Ядаж байхад төрийн бодлого нь асар хатуу, хүмүүс нь нэг хэвэнд цутгачихсан юм шиг сэтгэхүйтэй... Магад би хэтэрхий generalize хийж байгаа байх л даа, гэхдээ л ийм сэтгэгдэл дандаа төрдөг хэвээрээ л...

Ойрд блогдоогүйг ч хэлэх үү, хаа хамаагүй баахан юм хамаад биччихлээ. Ингээд дуусгая, ядаж байхад өнөөдөр Баасан гариг гэсэн...😊

PS: Айраг ууя гэчихээд огцом алга болсонд хүлцэл өчьё. Сорри, SO: Гоё айраг нь байвал одоо аваад ирцэн байдаа...

The Best Seller

Өнөөдөр гадуур дэмий тэнэсэн биш нарийлж, далийж, гороож байсаар нэгэн гоё ном худалдаж авлаа. О.Чинзориг, Ж.Батсүх нар цаг үеэ зөв мэдэрч үнэхээр сайхан ном гаргаж чаджээ. Уг нь албан ёсны нээлтэй маргааш хийх байсан ч ах чичэрсээр байгаад сая авчихлаа шд. Удахгүй Best Seller-ийн жагсаалтыг тэргүүлэх нь тодорхой болчихсон ном байна лээ.

Хүмүүсийн намтарчилсан хөрөг бичих, тэр дундаа бизнес-үүдийн амнаас үг унагана гэдэг яаж ч бодсон амар ажил биш л дээ. Зохиогчид нь гар сэтгэл нийлж, нэг баг болж чадсаны үр дүнд бүтсэн ном болох нь эхний хэдэн хуудсыг уншихад мэдрэгдэж байсан. Үнэхээр л өөрсдийнх нь хэлсэнчлэн уншихад хөлс үнэртсэн ном болж чаджээ. Хөрөг, дурдатгалуудыг хараад байхад тогтсон нэг дараалал, хайрцагт баригдан бичигдсэн байдаг. Нэг талаас тэгж бичихээс өөр аргагүй байдаг биз. Миний хувьд уг номонд орсон бизнесийн дурдатгал, санаанууд хамгийн сонирхол татаж байсан ч текстийг бичсэн шийдэл, бүтэц нь түүнээс дутахааргүй анхаарал татаж байлаа.

Ямартай ч бүхий л амьдралаа хэн нэгэн албан тушаалтан эсвэл төр, засагт даатгах бус, бие даасан санхүүгийн эрх чөлөө, баталгаатай бизнес эрхлэх чин хүсэл эрмэлзлэлтэй, өөрийн гэсэн зорилго, цэнзүүр, үзэл бодолтой залуусын заавал унших ёстой номны нэг гэж хэлмээр байна.

PS: Mongolica & SO, Энэ янзаар уншвал мань өнөө орой дуусгачих юм шиг байна, заавал худалдаж авч яадаг юм надаас аваад уншаарай. 20-н мянгаар худалдаж байна лээ. Маньд нэг маруужин байхад л болноо гсн...

September, 1

Хичээлийн шинэ жил эхлэхээр их сургуулийнхаа хаалгыг очиж нэг татмаар ч юм шиг. Оюутан болоод анх орж байхдаа сүрдмээр ч, нисмээр ч болж байлаа даа гэж. Цаг хугацаа яаж харваж өнгөрдөгийг хүн болсоор оюутнаас л мэдэрсэн бололтой. Хүүхэд насанд өдөр хоног өнгөрч өгөх биш, хурдан том болмоор байдаг, хичээлийн 40 минут хүртэл цагаа тулахаар… Их сургуульд харин арай л өөрөө, ядахнаа мөрөөдөн байж орж ирсэнийг хэлэх үү, лекц, даалгавар, реферат, шалгалт, шоу… ядаж байхад хайрын бурханаа харж баясах /завсарлага хүртэл үр дүнтэй шүү/ Хүн болж ялаа алчих санаатай л үзээд байтал нэг өглөө сэрсэн сүүлчийн хонх дрррр…

Багш нараа дурсахад, ер нь тун залуу сэтгэлгээтэй байж гээч /ойлгож болмоор/, ихэнхи нь орос школтой, дандаа гадагш харилцаатай, дээр нь мэргэжлийн онцлого, бид чинь хичээлээс гадуур яг л найзууд, гэтэл сургуулийн хаалгаар орлоо л бол “багш та их өргөөний эзэн билээ л”. /хальт дурлалуу яалаа/ Та нарын судлах гээд үзээд байгаа юмыг чинь барууныхан аль өнгөрсөн зууны дундуур судлаад дуусаад одоо ийм талаас нь энэ төвшинд судалгаа хийж байгаа шд, цаана чинь хүмүүс Benz, Toyotа унаад явж байхад, та нар Москвичтэй хаа хол давхих гээв, та нар Benz-ийг ядаж мөрөөдөж байгаач… ингэж зад бөмбөгдүүлээд тэндээс яг одоо гэгээрэх замд орсугай гэсэн хүмүүс гарцгаана даа. Монгол боловсролын төвшингөөр, бичиг үсэг тайлагдсан хэмжээгээр соц үеийн тогтолцооноос уламжилсан ганц нэг статистикаар гялтайдаг ч гэлээ, нэгэнт шинжлэх ухааны хөгжлөөр тэргүүн зэрэгт биш болохоор шинэчлэх юм зөндөө л дөө, аргагүй. Манай захирал ч цаг үеэс түрүүлсэн эрдмийн нөхөр л дөө, сул дуутай, авралгүй шооч захирлыг эрдмийн зөвлөл дээр зэрэг горилоочдыг яаж сүлбэж байгааг сонсох нь нэг хэсэг бараг хобби байлаа шд, багшийгаа салбартаа их юм хийж байгаа гэж бодож байна шүү. Манай багш нар бүгд ийм бол гоё оо.

Ерөнхийдөө бол манай багш нар чандмань 3 эрдэнийн нэг нь яах аргагүй мөн л дөө. Гэхдээ бодоход, багш гэдэг үзэгний үзүүр гарын үсгээр юм шийдчихдэггүй ч, оюутан л бол оюутан бас л хүүхэд шахуу хүмүүс, тэд яаж чиглүүлсэнээс бидний хувь заяа ирээдүйн замнал шууд бусаар ч гэлээ тэнд л шийдвэрлэгдэж байдаг асар хариуцлагатай улсууд юмаа даа.

За юутай ч монголын бүх багш, “оюунтан” нарт шинэ хичээлийн жилийн мэнд!

Цагийн тєрх

Гадуур янз янз болж гүйдэг болсон биш нэтийн бараа харахаа байлаа... Блог маань үлгэрийн юм шиг асар далий бичлэг дээр гацдаг байна шт, сов сорри. Далийх зав ерөөсөө гарсангүй. Ямартай ч ажил эхэлтэл хэд хоног хүлээхээр болж байх шиг байна. Энэ хугацаандаа Theory Blog-ийг амьтай байлгахыг хичээнээ.

Саяхан л би намар сайхан улирал, бүрхэг тэнгэр гоё шүү гээд хөөрөөд байсан биш юу юугүй жинхэнэ намар болдог байна шүү. Асар том хөрөнгө оруулалт хийж, шинэ шүхэр худалдаж авсны хэрэг ч гарч байна шүү... Одоо нэг борооны цувтай болчихвол ч... бонд гаргадаг юм уу гэж...😊

Зун цаг улиран одож, намар болж навчис шарлалаа. (damn, асар уянгийн халилтай наасан) Үнэн хэрэгтээ бол зуны цалгардал нэг юм дуусаж, намар болж найтаж эхлэх шив дээ гэсэн. Ингээд амьдрал эргээд хуучин хэвэндээ (биш ээ, хэмнэлдээ) орж байгаа юм даа. Халуун зунаар юу юугүй гэгэлзээд, гэр орондоо тогтож өгөхгүй байсан хүн чинь сайн дурын гэрийн хорионд орж, бодлогоширч эхэлдэг юм байна. Бодлогоширох зуураа Вивальдигийн “Дөрвөн улирал”-ыг (ой, асар класс заасан) сонсож суутал нэг иймэрхүү сэтгэгдэл төрж байх юм:

Зун - халуу шатаад, толгой аажмаар ажиллахаа больж эхэлнэ. Хаа нэгэн газрын beach-ийг мөрөөдөх зуураа ажлаа гурилдаж, энэ тэндхийн бөгчим тасалгаанаас өөрийн эрхгүй зугтах сэтгэгдэл төрж, гарч гүйх нь холгүй юм болно. Нар хүртэл новширч, 10 цаг хүртэл тэнгэрт дүүжлээстэй гурийдгийг хэлэх үү, өдрийн уртыг ашиглаж дэмий тэнэх нь эрс ихэснэ. Ажлын бүтээмжийн ашигт үйлийн коэффициент ноль заана. Найр наадам, айраг цагаа эргүүлж байтал ашгүй нэг юм зун дуусна.

Намар - болсон болоогүй яруу найрагчид намрын сайхныг магтан дуулсаар байгаад бүр улиг болгочихсон. Тэднийхээр бол намар хамгийн “армантик” улирал юм байх. “Борооны дусал нулимс мэт”, “шаргал навч хагацал мэт” гэх маягаар уянгалуулдаггүй яруу найргийн ном дэндүү ховор. Тэгээд ирэхээр өнөөх борооны дусал, шаргал навчийг нь үзэн ядаж эхлэнэ. Хараал идсэн бороо нь хурдан зогсоосой, машин муухай боллоо ш дээ, яанадаа ухааны юм бодсоор явтал навчис нь ч нэг юм унаж дуусаад, УБ-ын энд тэнд ганц хоёроороо булагнах цөөн хэдэн мод нь царай муутай дээрээ царай муутай болчихсон байна. Тэгж байтал огцом хүйтэрч, хавар намрын гутал бороотой бороогүй жагсаалаас гарна.

Өвөл - дэндүү хүйтэн болохоор тархи царцаж, реакци огцом удааширна. Гэрээс гарах гэж хэдэн давхар хувцас өмсөөд, нэг газар орж түүнийгээ нимгэлсээр байтал өдөр өнгөрнө. Хэдэн давхар хувцас өмсөөд ч нэмэргүй, ханиад хүрдгээрээ хүрнэ. Хэд хоног гэртээ халуурч хэвтээд, аргагүйн эрхээнд нусаа татасхийгээд ажилдаа явна. Өдөржин муухай царайлж суусны эцэст гэртээ ирж анисны цай, халуун шоколадтай найзалж, хөвөнтэй дээлээр хөлөө хучна. Ханиадыг тэгсгээд мартаж, жинхэнэ кайфыг мэдрэх гэтэл дахиад даарч эхлэнэ.

Хавар - өвлийн удаан өдрүүд өнгөрч, өдөр уртсах тусам ядаргаанд орж, толгой өвдөнө. Хаврын нар дэндүү хурц санагдаж, хотын халтар шувууд баяр баясгалантайгаар жиргэх нь нерв хөдөлгөнө. Тэгж байтал өвс нөгөө дэлгэрч, хот өнгө зүсээ засч эхлэхэд хүмүүс нойрноосоо сэрсэн мэт синдромдож эхлэнэ. Ядаргаанд орж, нерваа барсан улсууд гудамж талбайд жагсаал цуглаан хийж, хотын амьдралыг үймүүлснээр арай гайгүй байсан хэдийгээ ядаргаанд оруулж орхино. Яахаа мэдэхгүй байж байтал ашгүй нэг юм наадмын сураг сонсдоно… 

Нээрээ нэг мэдсэн чинь зун дуусаж, намар гарчихсан байна... Бүх зүйл яг л энэ дуу шиг байна даа.

Намар хурдан ирээсэй

Өнөөдөр үнэхээр гого өдөр болж байна. Шиврээ бороо тасралтгүй ороод л... Энэ л өдрүүдэд би ямар дуртай вэ? Далийлт маань эхэлж байх шиг байна. Сүүлийн хэд хоног юу болов оо учиргүй халуун шатаад. Завсар зайгаар нь орсон хүйтэн бороонд хөөрч гүйж байгаад халуун хүйтэний харшил болж хөдөө нутагт хоёр өдөр халуурч золтой л гялтайчихсангүй. Тэгсэн UB-д бороо ороогүй гэх юм. Монгол шиг эрс тэс уур амьсгалтай газар цөөхөн байх шүү.

Бодоод байсан чинь миний хамгийн дуртай улирал намар юм байна. Зун хэт халуун, өвөл хэт хүйтэн, хавар шал балай гэж бодохоор намар л үлдэж байгаа юм даа гэсэн. Нэг тийм бүрхэг, сүмийсэн намрын өдөр гоё шүү… намар хурдан болоосой. Өнөөдрийн хувьд Богд-Ууланд манан татаад үнэхээр тасархай харагдаж байна даа. Яг энэ үед нутгийн уулан дээр гарч мананд цохиулан зогсох мөч... Үнэн мэдрэмж байдаг гэвэл гагцхүү энэ л мөчид орших байх.

PS: Утсаа асаая гэсэн :)

Trend

Эрхэм гишүүн Гондоолой маань тогтвортой байдлын гэрээг эсэргүүцэн талбай дээр суулт хийж байгаа тухай суваг болгоноор л гарах боллоо. Хэрэв Монголын төр Оюу толгойн 34 хувийг эзэмших одоогийн гэрээний төсөл УИХ-р батлагдвал ард түмэнд ашигггүй болох нь тодорхой л доо. За за ард түмэн интэр гэж том том юм ярихаа болъя. Өмнө нь энэ тухай яасан ч идэвхитэй мэдээлэл цуглуулдаг байсан юм бэ дээ. Яаж ч бодсон энэ төрийн үед ашигтай хувилбараар батлагдахгүй нь тодорхой болсон.

Happy Birthday

Удахгүй Баасаа-гийн маань төрсөн өдөр болох гэж байгаа юм байна... Асар далий сард төрсөн хүн дээ, хүн амьтан амралт зугаалгын байдалд орчихоод олдож өгөхгүй хэцүү байдаг байх даа хөөрхий... 

Төрсөн өдөр гэсэн чинь гэнэт  “Песенка Крокодила Гены” сэтгэлд бууж байх чинь...

Я игpаю на гаpмошке
У пpохожих на виду...
К сожаленью, день pожденья
Только pаз в году.

Энэ дууг сонсохоор шууд музыка-гийн хичээл санаанд ордог юм. Би 6-р ангидаа билүү дээ, музыка-гийн хичээл дээр “Я играю на гармошке” гэж соло орилж жинкэнэ онигоонд орж билээ гэсэн, Хахаха. Муу багын найздаа төрсөн өдрийн мэнд хүргээд зориулья гэсэн.

Наадам

Энэ жилийн Наадам үнэхээр сайхан болж өнгөрлөө. Би ч наадсан шиг наадаж, хийж болох бүхнийг л хийв. Наадмын нээлт үзэж, төв цэнгэлдэхийг тойрч хуушуур авч идэж, айраг уугаад Хуй долоон худаг тийш явж, соёолон морьдын тоосонд дарууллаа. Харин 12-ний өдөр хоёр дахь удаагаа стадионд бөх үзэв. Бөх асар сонирхолтой болсныг хэлэх үү, тансаг байлаа. Өсөхөө, Азаа хоёр юу юугүй тоглоомоос хасагдаж Сумъяа аварга балай авах нь тодорхой боллоо гэтэл уд төдөлгүй Сайнбаярт өвдөг шороодож намба алдав. Миний хувьд энэ жилийн наадмын онцлог гэвэл дүү нарын буянаар найз бөхчүүлийнх нь галд орж жинхэнэ бөхөөр амьсгалсан явдал байлаа. Мань мэт нь шинээр Заан болсон Сайнаа, харцага болсон Ганбаа, бороо гуравт баярлаж баахан хөөрөх шив. Гэснээс Сумъяа аварга онцгүй творащь юм аа нэг нутгийн бөх болох шинэхэн заан Сайнааг 4 удаа амлан унагааж байсан гэх юм. Сүүлдээ галын бөхчүүд нь Сайнааг хөөе, аваргын амны бөхөө энэ тэр гэж хөөрхөн хөөрхөн явуулаад л, мань хүн тэрүүхэндээ ичингүйрэн балайраад л үнэн хөөрхөн байгаа юм чинь. Мань ч дуугай л байсан гэсэн. Тэгсэн Сайнаа Сумъяа аваргийг унагааж жинхэнэ онигоо болгосон л доо. Гоё шүү!

Фото камер

Баяр наадмыг угтсан “Shopping” аяны хүрээнд жинхэнэ мэргэжлийн фото камер авлаа шт. (асар гайхуулсан) Одоо дүрдээ итгээд үлгэрийн юм шиг нэг хар юм үүрчихээд салахгүй ээ. Хэхэхэ

Сая наадмаар ная зураг дарлаа. Зарим нэгээс нь орууллав...

PS: Баяр наадмын талбай дээрээс Сүндэр мэдээллэнэ гэсэн...Хэхэ